संजय जाधव 

बुलढाणा : सकाळची शाळा सुटल्यानंतर घरी परतणाऱ्या लहान विद्यार्थ्यांच्या रिक्षाला रेतीने भरलेल्या ट्रकने जोरदार धडक दिली. या धडकेत (Accident) रिक्षा दूरवर फेकली गेली असून यात एका विद्यार्थ्यांचा (Buldhana) मृत्यू झाला आहे. तर चार विद्यार्थी जखमी झाले आहेत. हा थरकाप उडविणारा अपघात बुलढाणा- नांदुरा मार्गावर घडला आहे. (Maharashtra News)

अवैध रेती वाहतूक करणाऱ्या डंपर भरधाव वेगाने पडवीले जात असतात. यामुळे अनेक अपघात देखील झाले आहेत. परंतु या भरधाव वेगाने जाणाऱ्या डंपर चालकांवर कोणतीही कारवाई होत नाही. रिक्षा किंवा व्हॅनमधून विद्यार्थी (Student) रोज ये-जा करत असतात. अशाच विद्यार्थी घेऊन जाणाऱ्या रिक्षाला डंपरने जोरदार धडक देत उडविले. नांदुरा- बुलढाणा मार्गावरील टाकरखेडजवळ हा अपघात झाला आहे. रिक्षामध्ये असलेले सर्व विद्यार्थी हे केजी १ व पहिल्या वर्गातील असल्याची माहिती समोर आली आहे.  

एक ठार, दोघांची प्रकृती गंभीर 
डंपरने रिक्षाला दिलेल्या धडकेत एक विद्यार्थी ठार झाला आहे. आदित्य मुकुंद असे मृत्यू झालेल्या विद्यार्थ्यांचे नाव आहे. तर चार विद्यार्थी जखमी झाले आहेत. जखमी विद्यार्थ्यांवर नांदुरा येथील प्राथमिक उपचार केंद्रात उपचार सुरू आहेत. जखमी विद्यार्थ्यांमध्ये दोन विद्यार्थ्यांची प्रकृती गंभीर आहे. अपघातानंतर ट्रक चालक फरार झाला असून विद्यार्थ्यांचे पालक आक्रमक झाले आहेत. अपघातानंतर पोलीस घटनास्थळी दाखल झाले आहेत.