संजय जाधव, बुलढाणा

बुलढाणा : Buldhana accident jeep crashed : हळदीच्या कार्यक्रमाला जाणाऱ्या प्रवाशांवर काळाने घाला घातलाय. खामगाव जालना महामार्गावर जीप पलटून ४ प्रवाशांचा मृत्यू झालाय तर ५ जण जखमी झालेत. चिखली तालुक्यातील अंबाशी येथील देशमुख कुटुंबीय जालना येथे हळदीच्या कार्यक्रमाला जात होते. त्यावेळी हा अपघात घडलाय.

मिळालेल्या माहितीनुसार, अंबाशी येथील देशमुख कुटुंबीय जालना येथे हाळदीच्या कार्यक्रमाला जात होते. देशमुख कुटुबीयांच्या जीपचा अपघात खामगाव जालना महामार्गावरील दगडवाडी गावाजवळ झाला. देऊळगावमही ते देऊळगावच्या रस्त्या दरम्यान जीप पलटल्याने ४ प्रवाशांचा मृत्यू झालाय.