Buldhana News :

बुलढाणा जिल्ह्यातील मलकापूर दसरखेड पोलिसांनी हरसोडा फाट्यावर गुटखा घेऊन जाणाऱ्या कारसह ७ लाख २९ हजारांचा मुद्देमाल जप्त केला आहे. रात्रीच्या सुमारास ही धडक कारवाई करण्यात आली आहे. (Maharashtra News)

एमआयडीसी पोलिस मध्यरात्रीनंतर पेट्रोलिंग करीत असताना त्यांना पांढऱ्या रंगाची कार ही अवैधरित्या गुटखा भरून कु-हा गावाकडुन धुपेश्वर मार्गे हरसोडा रोडने जाणार आहे अशी खबर मिळाली होती.

त्यावरून पोलिसांनी तात्काळ हरसोडा फाटा येथे सापळा लावला. रात्री १.४५ वाजताचे सुमारास कार वेगाने धुपेश्वर रोडकडुन हरसोडा रोडने येताना दिसले. वाहनाला हरसोडा फाटयावर प्राथमिक शाळेजवळ थांबविले.

वाहनामध्ये महाराष्ट्रात प्रतिबंधित असलेला विमल पान मसालाचा माल असल्याने पाेलिसांनी वाहन चालकास ताब्यात घेतले. त्यानंतर त्यास एमआयडीसी पोलिस स्टेशन येथे आणले. तसेच पंचाना बोलावुन पंचासमक्ष व वाहन चालक व एक व्यक्ती यांच्या समोर वाहनाची पाहणी करण्यात आली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या कारवाईत कार ५ लाख रूपये, २ लक्ष २९ हजार ८८० रुपयाचा गुटखा माल असा एकूण ७ लाख २९ हजार ८८० रुपयाचा मुद्दे माल जप्त करण्यात आला आहे अशी माहिती पाेलिसांनी दिली.

Edited By : Siddharth Latkar