जालना : पत्नीला सासरी नांदायला पाठवत नसल्याच्या रागातून जावयाने चक्क डोक्यात फरशी आणि चाकूचे वार करून सासूची हत्या केल्याची धक्कादायक घटना शहरातील प्रियदृशनी कॉलनी जवळील संभाजीनगर परिसरात घडली आहे. या घटनेमुळे परिसरात मोठ्या प्रमाणात खळबळ उडाली आहे.

हे देखील पहा-

सखुबाई काळे (वय- 50) असे खून झालेल्या महिलेचे नाव असून आहे. घटनेची माहिती मिळताच सदर बाजार पोलिसांनी घटनास्थळी धाव घेत मृत्यू झालेल्या महिलेच्या मुलीच्या तक्रारीवरून आरोपी विजय किसन धिल्लोड (वय-35) राहणार भावसिंगपुरा औरंगाबाद याला पोलिसांनी घटनास्थळावरून अटक करण्यात आली आहे.

ज्योती विजय धिल्लोड हिने दिलेल्या फिर्यादी नुसार मागील काही दिवसांपासून ती मुलासह माहेरी आली असताना पती विजय याने नांदायला पाठवा म्हणत सासूशी वाद घालत सासूच्या डोक्यात फरशी घातली आणि चाकूने वार करून हत्या केल्याची फिर्याद दिली आहे. या प्रकरणी अधिक तपास पोलिस करत आहे.

Edited By- Digambar Jadhav