औरंगाबाद : शिवसेना (Shivena) काही महाराष्ट्रातला मुख्य पक्ष आहे, असंही काही नाही. महाराष्ट्रातील जनतेला धोका देऊन शिवसेनेने सरकार बनवलं. आता त्यांना अखिल भारतीय पक्ष व्हायचे आहे. पण आम्ही शिवसेना मोजत नाही, शिवसेनेला मानत नाही, अशी प्रतिक्रिया केंद्रीय रेल्वे राज्यमंत्री आणि भाजपाचे नेते रावसाहेब दानवे (Raosaheb Danve) यांनी दिली आहे. इतकंच नाही तर या निवडणुकीत शिवसेनेच्या उमेदवाराला आपलं डिपॉझिट ही वाचवता आलं नाही अशी बोचरी प्रतिक्रिया त्यांनी दिलीयं.

गुजरातमध्ये निवडणुका झाल्या तिथेही शिवसेनेने उमेदवार उभे केले होते. यापूर्वी उत्तर प्रदेशमध्ये (UP) गोव्यामध्येही (Goa) शिवसेनेने उमेदवार उभे केले होते. याही निवडणुकीत सगळीकडे शिवसेनेने उमेदवार उभे केले होते. मात्र त्यांना त्यांचं डिपॉझिट वाचवता आले नाही. शिवसेना केवळ भारतीय जनता पक्षाच्या (BJP) विरोधासाठी उभे राहते, अशी शिवसेनेची प्रतिमा अन्य राज्यांमध्ये झाली असल्याचे दानवे म्हणाले.

Edited By - Jagdish Patil