पुणे महापालिकेत शंभरहून अधिक जागा जिंकण्याचं लक्ष्य ठेवलेल्या भाजपसमोर आता मित्रपक्ष असणाऱ्या अजित पवारांच्या राष्ट्रवादीचंच मोठं आव्हानं असणार आहे...अजित पवारांनी पुण्यात शरद पवारांच्या राष्ट्रवादीशी जुळवून घेत... महापालिकेच्या मैदानात खेळलेल्या नव्या रणनीतीमुळे भाजपची चांगलीच डोकेदुखी वाढलीय...

अजित पवारांच्या राष्ट्रवादीनं भाजपमधील बंडखोरांना आपल्या पक्षात घेऊन उमेदवारी दिल्यानं अनेक प्रभागांमध्ये मतविभाजन होण्याची शक्यता आहे. त्यामुळे काही खाजगी सर्वेक्षणातून पुण्यात भाजपला अपेक्षित यश मिळत नसल्याची चर्चा आहे..

दरम्यान पुण्यात अजित पवारांच्या राष्ट्रवादीला रोखण्यासाठी भाजपनं कोणता मास्टरप्लॅन आखलाय... पाहूयात...

पुण्यात भाजपनं 165 जागांचा सखोल आढावा घेण्याचं आणि ज्या प्रभागांमध्ये भाजपची ताकद कमी आहे, तिथे नवी रणनीती आखण्याचे निर्देश फडणवीसांनी दिलेत.त्यातच “गाफील राहू नका, कोणत्याही परिस्थितीत विजयाचा आकडा गाठलाच पाहिजे,” अशा कडक शब्दांत स्थानिक नेतृत्वाला फडणवीसांनी इशाराही दिलाय...त्यामुळे निवडणुकीला काही दिवस शिल्लक असताना पुण्यात भाजप आक्रमक भूमिका मांडण्याची चिन्ह आहेत...

पुणे आणि पिंपरी चिंचवड महापालिका दोन्ही राष्ट्रवादीसाठी अस्तित्वाची लढाई ठरतेय..अशातच भाजपच्या प्रचारात खुद्द मुख्यमंत्री देवेंद्र फडणवीसांनीच जेवढं मागे जाऊ तेवढा वाद वाढेल, असं इशारा दिल्यानं पुणे महापालिकेची निवडणुक प्रतिष्ठेची झालीय... आता पुणे आणि पिंपरीत कोणाचा महापौर बसणार? अजित पवारांना रोखणं भाजपला शक्य होणार का? हे पाहणं महत्त्वाचं ठरणार आहे..