सकाळपासून सुरु असलेल्या संघर्षानंतर अखेर केंद्रिय मंत्री नारायण राणेंना (Narayan Rane) पोलीसांनी अटक केली आहे. रत्नागिरीच्या (Ratnagiri) संगमेश्वर (Sangmeshwar) येथील गोळवलीकर (Golwalikar) गावात त्यांना अटक करण्यात आली. नारायण राणेंनी न्यायलयात अटकपुर्व जामीनासाठी अर्ज केला होता. रत्नागिरी सत्र न्यायालयाने राणेंचा अटकपुर्व जामीन फेटाळल्यानतंर अखेर राणेंच्या अटकेचा मार्ग मोकळा झाला. रत्नागिरीच्या संगमेश्वर याठिकाणी त्यांना अटक करण्यात आली.

हे देखील पहा

मात्र याचे पडसाद आता भाजपाच्या जनआशिर्वाद यात्रेवरही उमटल्याचे दिसत आहे. नारायण राणेंना अटक केल्यानंतर भाजपाने जनआशिर्वाद यात्रा स्थगित करण्यात आली आली आहे. भाजपानेते प्रमोद जठार यांनी याची घोषणा केली आहे. इतकेच नव्हे तर राणेंना सोडत नाहीत तोपर्यंत भाजपा शांत बसणार नसल्याचा इशाराही दिला आहे. नारायण राणेंची अटक बेकायदेशीर आहे. त्यांना सोडेपर्यंत आम्ही शांत बसणार नसल्याचेही जठार यांनी म्हटले आहे. दरम्यान, नारायण राणेंना अटक केल्यानंतर संगमेश्वर पोलीस ठाण्यात नेण्य़ात आले.