औरंगाबाद : राजकीय वर्तुळातून एक मोठी बातमी समोर आली आहे. धुळे-सोलापूर महामार्गावरील डोणगाव फाट्याजवळ भाजपचे आमदार नारायण कुचे (Narayan Kuche) यांच्या कारने दुचाकीला धडक (car accident) दिल्याची धक्कादायक घटना घडली आहे. हा अपघात आज शुक्रवारी झाला असून एकाच कुटुंबातील (four people injured) चार जण जखमी झाले आहेत. अपघातात जखमी झालेल्या रुग्णांना औरंगाबाद येथील खाजगी रुग्णालयात उपचारासाठी दाखल करण्यात आले आहेत.

मिळालेल्या माहितीनुसार, अंबड - बदनापूर मतदारसंघाचे आमदार नारायण कुचे यांची कार औरंगाबादच्या दिशेने येत होती. त्यांची कार डोणगाव फाट्यावर वळण घेत होती. त्याचदरम्यान, औरंगाबादकडून येणाऱ्या दुचाकीला कारची धडक बसली. त्यानंतर या अपघातात एकाच कुटुंबातील चार जण जखमी झाले. त्यानंतर कुचे यांच्या कारमधून जखमींना उपचारासाठी पाचोड येथे नेण्यात आले. त्या रुग्णालयात तेथे प्राथमिक उपचार करून जखमींना औरंगाबादमधील खासगी रुग्णालयात हलविण्यात आले.

Edited By - Naresh Shende