Nitesh Rane: राज्याचे विरोधी पक्षनेते अजित पवार यांनी विधानसभेत छत्रपती संभाजी राजेंचा धर्मवीर असा उल्लेख करु नका असे विधान केल्यानंतर राज्याचे राजकारण चांगलेच तापले आहे. काल पत्रकार परिषद घेत अजित पवार (Ajit Pawar) यांनी याबद्दलची आपली भूमिकाही स्पष्ट केली, ज्यामध्ये त्यांनी नितेश राणेंची टिल्लू म्हणत खिल्ली उडवली होती. या नंतर नितेश राणे यांनी अजित पवार यांच्यावर जोरदार टीका केली आहे.

अजित पवार यांच्या टीकेला उत्तर देताना नितेश राणे (Nitesh Rane) यांनी "याच टिल्लूने तुम्हाला सिंधुदुर्ग बॅंक निवडणुकीत कसा घाम फोडला होता," हे सर्वांनी पाहिले आहे. असे म्हणत जोरदार टीका केली आहे. तसेच  छत्रपती धर्मवीर संभाजी राजेंना हिंदू धर्मापासून वेगळं करायचं आहे. कारण हे औरंगजेब बरोबर वेलेन्टाइन डे साजरा करणारे लोकं आहेत, असा घणाघातही त्यांनी यावेळी केला आहे.

अजित पवारांवर टीका करताना "गुगलला धरणवीर नाव सर्च केले तरी एकच नाव येणार अजित पवार. यांच्याच महाविकास आघाडी सरकारच्या काळात प्रतापगड,विशाळगडवर अनधिकृत बांधकाम झालं ते तोडण्याची हिंमत झाली नाही," असे म्हणत शरद पवारांवरही नितेश राणेंनी टीका केली आहे.

दरम्यान, खालच्या पातळीवरची टीका मी सुद्धा करु शकतो परंतु ते आमचे संस्कार नाहीत असे म्हणत, शरद पवार यांनी देखील संभाजी महाराजचं धर्मवीर असल्याचे बोलले आहेत, आम्ही त्यांचेच ऐकणार असेही यावेळी नितेश राणे म्हणाले आहेत.