राज्यातील २९ महापालिका निवडणुकीच्या निकालात महायुतीतील पक्षाचा डंका पाहायला मिळाला. महापालिका निवडणुकीत भाजपने मोठी बाजी मारली होती. महापालिका निवडणुकीनंतर आता झालेल्या १२ जिल्हा परिषदांच्या निवडणुकीच्या एक्झिट पोलमध्ये भाजप बाजी मारताना दिसत आहे. जिल्हा परिषदांच्या निवडणुकीत भाजप सर्वात मोठा मोठा पक्ष ठरण्याची शक्यता आहे. तर अजितदादांची राष्ट्रवादी तिसऱ्या क्रमाकांवर असणार आहे.

१२ जिल्हा परिषदांच्या निवडणुकीसाठी आज शनिवारी मतदान पार पडलं. या जिल्हा परिषदेसाठी काही ठिकाणांचा अपवाद वगळता शांततेत पार पडलं. १२ जिल्हा परिषदेच्या निवडणुकीसाठी सांयकाळी ६ वाजेपर्यंत मतदानांची गर्दी पाहायला मिळाली. या निवडणुकीच्या मतदानानंतर आता साम टीव्हीचा एक्झिट पोल समोर आला आहे. या १२ जिल्हा परिषदांच्या निवडणुकीत भाजप २६३ जागा जिंकण्याची शक्यता आहे. तर शिंदेसेना १५६ जागा जिंकण्याची शक्यता आहे. अजित पवारांची राष्ट्रवादी काँग्रेस ११८ जागा मारण्याची शक्यता व्यक्त करण्यात आली आहे.

जिल्हा परिषदांच्या निवडणुकीत विरोधकांची दाणादाण उडाल्याचे दिसून येत आहे. काँग्रेस वगळता इतर कोणत्याही पक्षाला ५०च्या पार जागा जिंकता आल्या नाहीत. या निवडणुकीत महाविकास आघाडीला फटका बसल्याचे दिसून येत आहे. ठाकरेसेनेला ४८ जागा मिळण्याची शक्यता आहे. तर महाराष्ट्र नवनिर्माण सेनेला ६ जागा मिळण्याची शक्यता आहे. काँग्रेस पक्षाला ६१ जागांवर समाधान मानावे लागणार आहे, अशी शक्यता व्यक्त करण्यात आली आहे. राज्यात १२ जिल्हा परिषदांच्या निवडणुकीत इतर पक्षांना ३७ जागा मिळण्याची शक्यता आहे.

अजितदादांचा राष्ट्रवादी काँग्रेस तिसऱ्या क्रमांकावर

तत्पूर्वी, १२ जिल्हा परिषदांच्या निवडणुकीदरम्यान उपमुख्यमंत्री अजित पवारांचा विमान अपघातात मृत्यू झाला होता. जिल्हा परिषदांच्या निवडणुकीच्या प्रचारासाठी जाताना अजित पवारांचा अपघाती मृत्यू झाला होता. या अपघातानंतर राष्ट्रवादी काँग्रेसने प्रचार थांबवला होता. त्यानंतर जिल्हा परिषदांच्या निवडणुकीच्या प्रचारात राष्ट्रवादीच्या नेत्यांचा उत्साह दिसला नव्हता. अजितदादांच्या निधनानंतर भाजप आणि एकनाथ शिंदेंच्या नेत्यांनी काही ठिकाणच्या सभा रद्द केल्या होत्या.