सांगली : सांगलीच्या मार्केट यार्डात घुसलेल्या गव्यास पकडल्यानंतर आज (बुधवार) सकाळच्या सुमारास त्यास नैसर्गिक अधिवासात सुरक्षितरित्या सोडण्यात आले आहे. या गव्याची वैद्यकीय चाचणी केल्यानंतर त्यास काेणताही त्रास नसल्याची खात्री झाल्याने वन विभागाने नैसर्गिक अधिवासात सोडल्याची माहिती दिली.

सांगली (sangli) शहरात मंगळवारी पहाटेच्या सुमारास गवा (bison) घुसला हाेता. हा गवा सांगलीच्या कृषी उत्पन्न बाजार समितीच्या आवारात घुसल्याने सर्व व्यवहार ठप्प झाले हाेते. त्याच गुळाचे सौदे हाेऊ शकले नाहीत. त्यामुळे साधारणतः दहा कोटींची उलाढाल ठप्प झाली हाेती.

हा गवा पाहण्यासाठी नागरिकांची गर्दी वाढू लागल्याने तहसीलदारांनी शहरात जमावबंदीचा आदेश लागू केला हाेता. या गव्यास पकडण्यासाठी वन विभागाचे कर्मचारी तसेच सह्याद्री व्याघ्र (sayhadri tiger reserve) प्रकल्पाचे कर्मचारी यांनी अथक परिश्रम घेतले हाेते.

edited by : siddharth latkar