सातारा : जागतिक वारसास्थळ म्हणून दर्जा लाभलेल्या प्रसिद्ध अशा कास पुष्प पठारावर kass valley of flowers निसर्गाने फुलांची केलेली मुक्तहस्ताने उधळण पाहण्यासाठी हजारो पर्यटक येत आहेत. परंतु आता पर्यटकांनी येथे काळजी घेणे गरजेचे बनले आहे. या पुष्प पठारा लगतच काही पर्यटकांनी मोठ्या संख्येने गव्यांचा कळप मुक्त संचार करत असल्याचा व्हिडिओ चित्रित केला आहे. हा व्हिडिओ सध्या अनेकांच्या माेबाईलवर धडकू लागला आहे.

हे पुष्प पठार पाहण्यासाठी आणि येथील परिसरातील निसर्गरम्य ठिकाणांचा आनंद लुटण्यासाठी शनिवारी व रविवारी पर्यटकांची गर्दी वाढू लागली आहे. या पुष्प पठारास नुकतीच पोलिस अधीक्षक अजय कुमार बन्सल यांनीही कुटुंबियांसह भेट दिली हाेती.

या भागात पर्यटनाचा आनंद लुटताना अनेकजण छायाचित्र काढत असतात. या परिसरात फिरताना काही पर्यटकांना नुकताच गव्यांचा कळप दिसला. या पर्यटकांनी कळपाचा व्हिडिओ काढला. हा व्हिडिओ सध्या सर्वत्र व्हायरल हाेत आहे.

हे गवे रानगवे आहेत. ते समोर आले तर त्यांना कोणीही हुसकावून लावण्याचा, दगड मारण्याचा प्रयत्न करु नये. त्यांना त्यांच्या मार्गाने पुढे जाऊ द्यावे. ते तेथून शांतपणे निघून जातात असे एका ग्रामस्थाने सांगितले. दरम्यान या गव्यांना त्रास दिल्यास ते तुमच्यावर हल्ला करु शकतात असे ग्रामस्थांनी सांगितले. त्यामुळे कास पुष्प पठार किंवा परिसरात गवे दिसल्यास पर्यटकांनी स्वतःबराेबर त्यांना त्रास हाेऊ नये असे वर्तुणक करावे असे आवाहन ग्रामस्थांनी केले आहे.

edited by : siddharth latkar