सांगली (sangli) जिल्ह्यातील इस्लामपुरात (islampur) दीड टन वजनाच्या रेड्याचा (domestic water buffalo) पाचवा वाढदिवस साजरा करण्यात आला. या वाढदिवसाची चर्चा सांगली जिल्ह्यात माेठ्या प्रमाणात झाली. त्यानंतर आज इस्लामपुर येथे भरलेल्या शिवार कृषी प्रदर्शनात गजेंद्र नावाचा रेडा पाहण्यासाठी नागरिकांची झुंबड उडाली आहे. (Maharashtra News)

मंगसूली येथील विलास नाईक यांचा गजेंद्र नावाचा रेडा पाच वर्षाचा झाला आहे. त्याचा शुक्रवारी माेठ्या उत्साहात वाढदिवस साजरा करण्यात आला. गजेंद्र हा दीड टन वजनाचा आहे. त्याची किंमत पन्नास लाख रुपये इतकी आहे.

सध्या तो इस्लामपूर येथे सुरू असलेल्या शिवार कृषी प्रदर्शनाचे आकर्षण ठरला आहे. प्रदर्शनाचे आयोजन स्वाभिमानी शेतकरी संघटनेचे जिल्हाध्यक्ष महेश खराडे यांनी या प्रदर्शनात त्याचा वाढ दिवस साजरा केला.

यावेळी महिलांनी त्याला ओवाळले. अगदी एखाद्या घराच्या व्यक्तीचा वाढदिवस साजरा करावा असा तसा वाढदिवस गजेंद्र रेड्याच्या साजरा झाला. पन्नास लाखाच्या या रेड्याच्या वाढदिवसाची चर्चा सांगली (sangli) जिल्ह्यात रंगली आहे. गजेंद्र हा कुतूहलाचा विषय झाल्याने त्याला पाहण्यासाठी कृषी प्रदर्शनात (Islampur Krushi Pradarshan) गर्दी हाेत आहे.

Edited By : Siddharth Latkar