महायुतीमधील भाजप आणि शिवसेनेतील रस्सीखेच सुरू आहे. हा वाद संपत नाही तोच राष्ट्रवादी काँग्रेसने १२ मंत्रिपदाची मागणी केल्याची माहिती समोर आलीय. दिल्लीत प्रफुल पटेल यांच्या घरी राष्ट्रवादीची बैठक पार पडली. या बैठकीत संभाव्य मंत्र्यांच्या नावाची चर्चा झाली. पक्षाकडून १२ मंत्रिपदांची मागणी करण्यात यावी असा आग्रह नेत्यांकडून या बैठकीत करण्यात आलाय. पहिल्यावेळी ७-८ मंत्री शपथ घेण्याची शक्यता असल्याचं सांगितलं जात आहे.

अजित पवार गटाचे वरिष्ठ नेते प्रफुल्ल पटेल यांच्या निवासस्थानी राष्ट्रवादीची बैठक पार पडत आहे. या बैठकीत मंत्रिपदावरून चर्चा केली जात आहे. राष्ट्रवादीच्या नेत्यांकडून १२ मंत्रिपदाची मागणी केली जात आहे. तर पहिल्यावेळी ७-८ मंत्री शपथ घेणार असल्याची शक्यता आहे. पटेल यांच्या घरी होत असलेल्या बैठकीसाठी अजित पवार , सुनिल तटकरे, पार्थ पवार उपस्थित आहेत. पहिल्या वेळेस शपथ घेणाऱ्या सात ते ८ नेत्यांच्या यादी देखील समोर आलीय.

राष्ट्रवादी काँग्रेस संभाव्य मंत्री :

अजित पवार

आदिती तटकरे

छगन भुजबळ

दत्ता भरणे

धनंजय मुंडे

अनिल भाईदास पाटील

नरहरी झिरवळ

संजय बनसोडे

इंद्रनिल नाईक

मकरंद पाटील