Bhima Sahakari Sakhar Karkhana Election Result : भीमा सहकारी साखर कारखान्याच्या निवडणूकीचा आज निकाल लागणार आहे. 'भीमा'ची खासदार धनंजय महाडिक राखणार की साेलापूरचे माजी आमदार राजन पाटील यांचे पॅनेल बाजी मारणार याचे चित्र दुपारीपर्यंत चित्र स्पष्ट हाेणार आहे.

भीमा सहकारी साखर कारखान्याच्या निवडणुकीचा (election) प्रचार खालच्या स्तरावर गेला हाेता. रविवारी या कारखान्यासाठी मतदान झाले. आज मतमोजणी प्रक्रिया आज पार पडणार आहे. यामध्ये भाजपाचे (bjp) खासदार धनंजय महाडिक कारखान्यावर आपली सत्ता राखणार की राष्ट्रवादीचे (ncp) नेते राजन पाटील सत्ता बदल घडवणार याकडे सर्वांचे लक्ष आहे. (Maharashtra News)

रविवारी झालेल्या मतदान प्रक्रियेत (78.86 टक्के) मतदारांनी आपला मतदानाचा हक्क बजावला. संचालक मंडळाच्या एकूण (15 जागांसाठी 35 उमेदवार) हे निवडणुकीच्या रिंगणात आहेत. सोलापुरातल्या सिद्धेश्वर सहकारी साखर कारखान्याच्या कडादी मंगल कार्यालयात मतमोजणी होणार आहे.

एकूण दोन फेऱ्यांमध्ये अठ्ठावीस टेबलांवर ही मतमोजणी होणार आहे. संध्याकाळी चार वाजेपर्यंत मतमोजणीची वेळ असली तरी दुपारपर्यंत निवडणुकीचा निकाल हाती लागण्याची शक्यता आहे. धनंजय महाडिक यांच्यासोबत भगीरथ भालके, अभिजीत पाटील, राष्ट्रवादीचे नेते उमेश पाटील तर राष्ट्रवादीचे नेते राजन पाटील, भाजपचे प्रशांत परिचारक या सर्व नेत्यांच्या प्रतिष्ठा पणाला लागल्या आहेत. (Breaking Marathi News)

Edited By : Siddharth Latkar