आधी मंत्रिपदासाठी शिवलेल्या कोटाची घडी मोडण्यासाठी पाहावी लागलेली वाट.... आणि त्यानंतर रायगडच्या पालकमंत्रिपदाने दिलेली हुलकावणी... त्यामुळे अस्वस्थ असलेल्या रोजगार हमी योजनामंत्री भरत गोगावलेंना अखेर ध्वजारोहणाचा मान मिळालाच... आणि गोगावलेंनी पालकमंत्रिपदाची आशाही उफाळून आली...

खरंतर महायुतीची सत्ता स्थापन झाल्यानंतर भरत गोगावलेंची मंत्रिपदी वर्णी लागली.. मात्र रायगडचं पालकमंत्रिपद काही मिळालंच नाही...त्यातच 2025 मधील प्रजासत्ताक दिन आणि स्वातंत्र्य दिनाच्या निमित्ताने भरत गोगावलेंना डावलून आदिती तटकरेंनाच ध्वजारोहणाचा मान मिळाला...

तेव्हापासून गोगावले ध्वजारोहणासाठी रुसले होते... त्यातच नगरपालिका निवडणुकीत भरत गोगावलेंचा मुलगा विकास गोगावले गुन्हा दाखल झाल्यानं फरार होते..यामुळे उच्च न्यायालयाने मुख्यमंत्री फडणवीसांवरही ताशेरे ओढले... त्यामुळे भरत गोगावलेंना रायगडच्या ध्वजारोहणाचा मान मिळण्याबाबत शंका उपस्थित केली जात होती.. अखेर दीर्घ प्रतीक्षेनंतर गोगावलेंना ध्वजारोहणाचा मान मिळाला. मात्र या ध्वजारोहणानंतर आता गोगावलेंचा पालकमंत्रिपदाचाही झेंडा फ़डकणार का? याबाबत उत्सुकता लागलीय.