शुभम देशमुख 
भंडारा : भंडारा जिल्ह्याला हवामान विभागाने ३ दिवस येलो अलर्ट जारी केला आहे. त्यानुसार आज सकाळी भंडारा (Bhandara) जिल्ह्यात वादळी वाऱ्यासह जोरदार पावसाने हजेरी लावली. दोन दिवसांपूर्वी देखील जिल्ह्यात अवकाळी पावसाने (Rain) झोडपून काढलं होत. यामुळे चांगलीच धावपळ उडाली असून वादळी वाऱ्यामुळे देखील मोठ्या प्रमाणात नुकसान झाले आहे. 

राज्यातील काही भागात अवकाळी पावसाची शक्यता वर्तविण्यात आली होती. तर भंडारा जिल्ह्यात आगामी ३ दिवसासाठी येलो अलर्ट वर्तविण्यात आला आहे. दोन दिवसांपूर्वी जिल्ह्यात जोरदार पाऊस झाला होता. यानंतर आज परत सकाळ पासूनच ढगाळ वातावरण निर्माण झाले होते. पाहता पाहता काळे ढग दाटून आले व मेघगर्जनेसह पावसाने जोरदार हजेरी लावली. या पावसाचा फटका रब्बी पिकांना बसणार आहे.  

पावसाने पिकांचे नुकसान

रब्बी हंगामातील धान पिक शेतकऱ्यांनी (Farmer) कापून ठेवले असल्याने आधीच आलेल्या पावसामुळं संपुर्ण धान पिकं पाण्याने भिजले होते. आता परत पावसाने हजेरी लावली असल्याने शेतकऱ्यांच्या हाता तोंडाशी आलेला घास हिरावला जाण्याची शक्यता आहे.