भंडारा : मागील काही दिवसांपासून राज्‍यातील अनेक भागात मुसळधार पाऊस सुरू आहे. यात भंडारा जिल्‍ह्यात (Bhandara News) देखील पावसाने कहर केला आहे. सततच्या पावसाने (Bhandara) भंडारा जिल्हात पावसाने (Rain) पाणी साचल्याने अनेक गाव मार्ग बंद झाले आहेत. यामुळे जिल्‍हा प्रशासन देखील अलर्ट झाले आहे. (Bhandara News Heavy Rain)

सततच्‍या पावसामुळे (Heavy Rain) रस्‍यांवर पाणी साचले आहे. यामुळे जिल्ह्यातील तब्बल 18 गाव मार्ग बंद आहेत. यामध्ये भंडारा, साकोली, तुमसर, पवनी व मोहाडी तालुक्यातील गावांचा समावेश आहे. यात भंडारा तालुक्यातील कारधा ते करडी, पवनी तालुक्यातील पवनी ते जुनोना, निलज ते काकेपर, तुमसर तालुक्यातील सिलेगाव ते वाहनी, साकोली तालुक्यातील वडेगाव ते खांबा, साकोली ते विरशी व मोहाडी तालुक्यातील आंधळगाव ते पेट, विटगाव ते टांगा, डोंगरगाव ते कानळगाव, अकोला ते वडेगाव, चिचोली ते शिवनी, चिचोली ते नवेगाव, रोहना ते इंदूरका, महालगाव ते मोरगाव, चाउंडेश्वरी लहान पूल, मोहाडी ते मांडेसर, टांगा ते विहीरगाव, उसर्रा ते टाकला असे ऐकूण 18 गावमार्ग बंद आहे. या सर्व गावांचा मुख्यालयाशी संपर्क तुटला आहे.