भंडारा : कुलूप बंद घरात रक्ताच्या थारोळ्यात एका विवाहितेचा मृतदेह आढळून आल्याची घटना भंडाऱ्याच्या (Bhandara) एकलारी गावात घडली. मात्र पती फरार असल्‍याने पतीनेच हत्‍या केल्‍याचा अंदाज पोलिसांनी (Police) वर्तविला आहे. (Live Marathi News)

भंडारा जिल्‍ह्यातील एकलारी गावातील येनुबाई कंठीराम बालपांडे (वय ५५) असे मृत महीलेचे नाव आहे. महिलेच्‍या डोक्‍यात लोखंडी रॉडने वार करून हत्या केल्याने (Crime News) रक्ताच्या थारोळ्यात पडलेला मृतदेह मुलाला आढळून आला. यानंतर पोलिसांनी सदरची माहिती दिली असता पोलिसांचे पथक दाखल झाले. पंचनामा करून पोलिस पुढील तपास करत आहेत. सहा दिवसांपूर्वी रोहा या गावात सासऱ्याने चारित्र्याच्या संशयावरून सुनेची हत्या केली होती. सहा दिवसातील एक दुसरी घटना आहे.

पतीचा शोध सुरू

घटनेपासून मृतक विवाहितेचा पती कुठेही आढळून आला नाही. यामुळे पतीनेच कौटुंबिक कलहातून पत्नीची हत्या केली असावी, असा संशय वरठी पोलिसांनी व्यक्त केला आहे. मृतक महिलेच्या पतीच्या शोधात रवाना करण्यात आला आहे.