Beed News :

डोळ्यात लिंबू पिळून खोटे अंगात आल्याचे नाटक करत करणी, भानामती केल्याचा दावा करुन बदनामी केल्या प्रकरणी बीड जिल्ह्यातील अंबाजोगाई तालुक्यात पाच जणांवर जादूटोणा विरोधी कायद्यानुसार गुन्हा दाखल करण्यात आला. पाेलिसांनी पाचही संशयितांना अटक केली आहे. (Maharashtra News)

पााेलिसांकडून मिळालेल्या माहितीनूसार कानडी बदन येथील महिला वैष्णवी साखरे हिच्या सासरचे लोक धनंजय राजाराम जाधव, मंदाकिनी धनंजय जाधव, ज्ञानेश्वर बळीराम जाधव, बालासाहेब साखरे हे तिच्या अंबाजोगाई तालुक्यातील वरपगाव येथे माहेरी गेले होते.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

तेव्हा गावातील बाबुराव एकनाथ बोडके, शशिकला एकनाथ बोडके यांना गावातील हनुमान मंदिरात बोलावून घेण्यात आले. विवाहितेचे सासरे बालासाहेब साखरे यांनी वैष्णवी साखरे हिच्या डोळ्यात लिंबू पिळत तुझ्यावर कुणी करणी केली आहे त्यांची नावे आम्हाला सांग असा विवाहितेवर दबाव आणला.

तेव्हा विवाहिता वैष्णवी साखरे हिने अंगात आल्यासारखे करून बाबुराव एकनाथ बोडके, शशिकला बाबुराव बोडके, दिलीप रामभाऊ माळी, मीरा दिलीप माळी यांची नावे घेतली.. दरम्यान बदनामी केल्याप्रकरणी माहेर कडील बाबुराव एकनाथ बोडके यांनी अंबाजोगाई ग्रामीण ठाण्यात तक्रार दिली. या तक्रारीनूसार पाेलिसांनी पाच जणांवर गुन्हा दाखल केला. तसेच पोलिसांनी त्यांना अटक केली आहे.

Edited By : Siddharth Latkar