बीड : महाराष्ट्र ग्रामीण बँकेच्या परळीच्या धर्मापुरी शाखा व्यवस्थापकाला मारहाण केल्याच्या निषेधार्थ आणि आरोपीवर कडक कारवाई करावी ही मागणी घेऊन अधिकारी, कर्मचारी आक्रमक झाले आहेत. बँक कर्मचाऱ्यांनी आम्हाला पोलीस संरक्षण द्या. धर्मापूरी शाखा स्थलांतरित करा; अशी मागणी केली असून बँकेचे २५० कर्मचारी सामूहिक रजेवर गेले आहेत. 

बीडच्या (Beed) परळी तालुक्यातील धर्मापुरी येथील शाखा व्यवस्थापक भालेकर हे धर्मापुरी परिसरात असणाऱ्या हॉटेलच्या कर्ज प्रकरणाची चौकशी करण्यासाठी गेले होते. यादरम्यान त्यांना हॉटेल मालक फड यांच्यासह अन्य दोघांनी त्यांना जबर मारहाण केली होती. ही घटना १ ऑक्टोबरला घडली होती. कर्मचाऱ्यांना मारहाण केली होती. मात्र या आरोपीला अटक करायचे सोडून त्याला अटपपूर्व जामीन झाला आहे. त्यामुळे आता (Bank) बँक कर्मचारी आक्रमक झाले आहेत.

शाखा व्यवस्थापकाला बोगस कर्जासाठी मारहाण करण्यात आल्याचा प्रकार घडला होता. तर यातील मारहाण करणाऱ्यावर कडक कारवाई न होता, त्यांना अटकपूर्व जामीन झाला आहे. यांच्या निषेधार्थ आणि मारहाण करणाऱ्यांवर कडक कारवाई करावी, धर्मापूरी शाखा स्थलांतरित करण्यात यावी, बँक अधिकारी अन् कर्मचाऱ्यांना पोलीस संरक्षण देण्यात यावं, या प्रमुख मागण्या करण्यात आल्या आहेत. आता बँक अधिकारी व कर्मचारी आक्रमक झाले आहेत. जिल्ह्यातील तब्बल २५० बँक कर्मचारी हे सामूहिक रजेवर गेले आहेत. त्यामुळं जिल्ह्यातील महाराष्ट्र ग्रामीण बँकेच्या सर्व शाखा या बंद आहेत.