Beed News Saam Tv
महाराष्ट्र

Beed : अंधश्रद्धेचे भूत पतीसह सासूच्या मानगुटीवर; गुंगीचे द्रव्य देऊन महिलेसोबत भयंकर कृत्य

शिरूर न्यायालयाच्या आदेशानंतर भोंदूसह पती, सासुवर गुन्हा दाखल

ब्युरो रिपोर्ट, साम टीव्ही, मुंबई

बीड - पुरोगामी महाराष्ट्रात आजही अंधश्रद्धेचे भूत अनेकांच्या मानगुटीवर बसलेले आहे. असाच काहीसा प्रकार बीडच्या (Beed) शिरूर कासार तालुक्यात उघडकीस आला आहे. तालुक्यातील निमगाव मायंबा येथे अंगात भूत आहे म्हणत, अंगातील भूत काढण्यासाठी एका भोंदूने महिलेला गुंगीचे द्रव्य देऊन काठीने मारहाण केली. तसेच कवड्यांची माळ डोक्यात मारून अघोरा प्रकार केला होता. (Beed Crime News)

याबाबत संबंधित चकलांबा पोलिसांनी गुन्हा नोंदवून न घेतल्याने महिलेने शिरूर कासार न्यायालयात धाव घेतली. यावर न्यायालयाने गुन्हा नोंदवून तपास करण्याचे आदेश देत चकलांबा पोलिसांना फटकारले आहे. त्यावरून चकलंबा पोलीस ठाण्यात भोंदूसह पती व सासूवर गुन्हा नोंद करण्यात आला आहे.

महिलेच्या अंगात दोन भुते असल्याचं सांगण्यात आलं. हे अंगातील दोन भुते काढण्यासाठी सासू लक्ष्मी व पती कल्याण यांनी 16 फेब्रुवारी 2022 रोजी भोंदूबाबाला गावी बोलावून घेतले. त्याने महिलेला जबरदस्तीने गुंगीचे द्रव व लिंबू पिळून पाण्यात टाकून पाजले.

त्यानंतर काठीने मारहाण केली आणि कवड्यांची माळ डोक्यात मारल्यामुळे जोराचा मार लागून त्या बेशुद्ध झाल्या. काही वेळाने अंगारे- धुपारे केले. त्यानंतर महिलेने वडिलांना बोलावून घेत 21 सप्टेंबर रोजी चकलांबा पोलीस ठाण्यात तक्रार दिली. मात्र पोलिसांनी तक्रार नोंदवून घेतली नाही. त्यामुळं त्यांनी शिरूर न्यायालयात दाद मागितली.

दरम्यान शिरूर कासार न्यायालयातील प्रथम वर्ग न्यायदंडाधिकारी ए. टी. मांगीरे यांनी 7 डिसेंबरला याबाबत भोंदूवर गुन्हा दाखल करण्याचे आदेश चकलांबा पोलिसांना दिले आहे. त्यावरून गुन्हा दाखल करण्यात आला आहे.

Edited By - Shivani Tichkule

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: बलिप्रतिपदेच्या दिवशीची अनोखी परंपरा, गुराख्याच्या अंगावरून चालतो गायींचा कळप..

Rava Kheer Recipe: नवऱ्याचं तोंड करा गोड, घरीच बनवा रव्याची खीर

Mumbai Metro - 2B : मुहूर्त ठरला! 'मुंबई मेट्रो -२ ब' या दिवशी धावणार, मुंबईकरांची वाहतूक कोंडीतून होणार सुटका

Bhudargar Fort History: कोल्हापूरातील ऐतिहासिक भुदरगड किल्ला माहितेय का? जाणून घ्या इतिहास आणि पर्यटकांसाठी टिप्स

लँडिंग होताना हेलिपॅड खचला, राष्ट्रपती द्रौपदी मुर्मूंच्या हेलिकॉप्टरला भयंकर अपघात; VIDEO व्हायरल

SCROLL FOR NEXT