बीड : बीडमध्ये ठेवीदारांचे पैसे घेऊन गायब झालेल्या मल्टीस्टेट बँके विरोधात ठेवीदारांसह स्वाभिमानी संघटना (Beed) आक्रमक झाली आहे. स्वाभिमानी संघटनेचे जिल्हाध्यक्ष सचिन उबाळे यांच्या नेतृत्वाखाली बीडमध्ये ठेवीदारांनी आंदोलनाचा पवित्रा घेत बेमुदत उपोषणाचे हत्यार उपसले आहे. (Breaking Marathi News)

बीड मधील ज्ञानराधा मल्टीस्टेट, मासाहेब जिजाऊ मल्टीस्टेट, परिवर्तन बँक, साईराम बँक यासह अनेक पतसंस्था आणि मल्टीस्टेट बँक (Bank) ठेविदारांचे पैसे घेऊन बंद पडल्या आहेत. बँकेचे अध्यक्ष, संचालक यानंतर फरार झाले आहेत. यामुळे पैसे मिळविण्यासाठी आता ठेविदार आक्रमक झाले आहेत. दरम्यान आम्ही जगावं कसं? असा प्रश्न उपस्थित करत लोकप्रतिनिधी, जिल्हा प्रशासन आणि पोलीस (Police) प्रशासना विरोधात आक्रमक भावना यावेळी ठेविदारांनी व्यक्त केल्या आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अनेकदा ठेवीदारांनी आपल्या ठेवी परत देण्यासाठी मागणी करत आंदोलन केले आहे. परंतु अद्याप ठेवी मिळालेल्या नाहीत. मात्र आता जर आमचे पैसे मिळवून देता येत नसेल, तर पोलीस प्रशासनाने आम्हाला सामूहिक आत्मदहनाची परवानगी द्यावी; अशी संतप्त भावना आणि मागणी यावेळी ठेवीदारांनी केली आहे.