बीड : ओबीसी राजकीय आरक्षणासाठी सुरू असलेली न्यायालयीन लढाई अखेर ओबीसी बांधवांनी जिंकलीय. यामुळे समता परिषदेच्यावतीने मराठवाडा अध्यक्ष सुभाष राऊत यांच्या नेतृत्वाखाली बीड (Beed) शहरात फटाके फोडत, तोफा वाजवत, पेढे भरवून आनंदोत्सव साजरा करण्यात आला. (Beed News OBC Reservation)

बांठिया आयोगाच्या शिफारसी स्वीकारून (OBC) सर्वोच्च न्यायालयाने आज स्थानिक स्वराज्य संस्था निवडणुकांमध्ये 27 टक्‍के ओबीसी आरक्षणाचा (OBC Reservation) मार्ग मोकळा केला आहे. या निर्णयाचे समता परिषदेने अनोख्या स्वरूपात स्वागत केले आहे. बीड शहरातील महात्मा फुले आणि सावित्रीबाई फुले यांच्या पुतळा परिसरात जल्लोष साजरा करत रिक्षा चालक, दुचाकी चालक, दुकानदार, रहदारी करणाऱ्या नागरिकांना पेढे भरून सुभाष राऊत यांच्यासह कार्यकर्त्यांनी कोर्टाच्या निर्णयाचे स्वागत करत हा जल्लोष केलाय.