बीड : घरात कोणी नसताना दहा वर्षीय चिमुकलीवर आजोबाने अत्‍याचार केला. नात्याला काळीमा फासणारी ही संतापजनक घटना बीड (Beed) जिल्‍ह्यात समोर आली आहे. अत्‍याचार करणाऱ्या आजोबाला फरार असून आरोपीचा पोलीस (Police) शोध घेत आहेत. (Beed Today News)

बीडच्या माजलगाव (Majalgaon) तालुक्यात असणाऱ्या दिंद्रुड पोलीस ठाण्याच्या हद्दीत ही संतापजनक घटना समोर आली आहे. एका 62 वर्षीय आजोबाने त्याच्या 10 वर्षीय अल्पवयीन नातीवर अत्याचार केला. आई शेतात गेल्याचा गैरफायदा घेत आजोबाने घरात शिरत अल्पवयीन नातीवर अत्याचार केल्याने परिसरात संताप व्यक्त केला जात आहे.

चिमुकलीने आईला सांगितली आपबिती

पीडित चिमुकलीने घडलेली आपबिती आई घरी आल्यानंतर सांगितली. त्यानंतर पीडितेच्या आईने दिंद्रुड पोलीस ठाणे गाठत मुलीसोबत घडलेली कैफियत मांडली. यावरून आरोपी नराधम आजोबावर गुन्हा दाखल झाला आहे. दरम्यान नात्याला काळीमा फासणाऱ्या या घटनेमुळे संताप व्यक्त होत असून फरार आरोपीचा पोलीस शोध घेत आहेत.