बीड : जिल्‍ह्यात गारपीट झाल्‍यामुळे बीडच्या बेलखंडी पाटोदा गावात (Beed News) आंब्याच्या झाडाला पालासुद्धा राहिला नाही. शिमला मिरची त्याबरोबरच टोमॅटोचा सडा पडला आहे. हातातोंडाशी आलेला घास अवकाळीने हिरावून घेतल्याने (Farmer) शेतकरी खचून गेला. या पिकासाठी केलेला खर्च देखील निघेल की नाही अशी अवस्था शेतकऱ्याची झाली. त्यामुळे तात्काळ पंचनामे करून नुकसान भरपाई द्यावी; अशी मागणी होत आहे. (Tajya Batmya)

बीड जिल्ह्यामध्ये शनिवारी अवकाळी पाऊस आणि गारपिट यामुळे शेती पिकांसह फळबागांचा मोठे नुकसान झाले. कधी नव्हे असा गारांचा पाऊस झाल्याने शेतकरी हैराण झाला. अवकाळी पाऊस आणि गारपिटीमुळे मिरच्याचा आणि टोमॅटोचा सडा पडला आहे. हाती आलेले पीक आता वाया गेले. तसेच मोठ्या प्रमाणात जीवितहानी देखील झालेली आहेत. अनेक जनावरांचे जीव देखील यामध्ये गेला आहे.

शेकडो कोंबड्यांचा मृत्‍यू

बेलखंडी पाटोदा गावातील अनिल माने या शेतकऱ्याने शेतात मुक्त कुक्कुटपालन सुरू केले होते. मात्र गारपिटीने २०० कोंबडी आणि पिल्ले झोपल्याने त्यांचा मृत्यू झाला. तर शेळीची तिन पिल्लेही मरण पावली. त्यामुळे शेतकऱ्याचा प्रचंड आर्थिक नुकसान झाला आहे.