Beed News : बीड जिल्ह्यात कामांसाठी टक्केवारी घेतली जातेय अशी जोरदार चर्चा आजवर सुरू होती. मात्र आता थेट राष्ट्रवादीचे आमदार बाळासाहेब आजबे यांनी बीड जिल्ह्याचे पालकमंत्री अतुल सावे यांच्यावर गंभीर आरोप केले आहेत. टक्केवारी गोळा करण्यासाठी पालकमंत्र्यांनी एटंज नेमल्याचा आरोप आजबे यांनी केला आहे.

अतुल सावे हे एजंट नेमून विकासकामाच्या नावाखाली टक्केवारी गोळा करत आहेत. त्यांनी जिल्ह्यातून कामांसाठी 10 टक्क्यांनी वसुली केली आहे. आमच्या अनेक कार्यकर्त्यांनी 10 टक्के देऊन कामे आणली आहेत. (Beed News)

टक्केवारी दिल्याशिवाय एकही काम त्यांनी दिलं नाही, असा खळबळजनक आरोप आमदार बाळासाहेब आजबे यांनी सावे यांच्यावर केल्याने राजकीय वर्तुळात खळबळ माजली आहे.

दरम्यान अतिवृष्टीमध्ये पालकमंत्री अतुल सावे यांनी बीड जिल्ह्याकडे पाठ फिरवली होती. त्यामुळे हे टक्केवारी पालकमंत्री बदलावेत, अशी देखील मागणी यावेळी आमदार आजबे यांनी केली आहे.