बीड : इस बीड मे क्या चल रहा है.. रस्ता, पाणी, लाईट, नाली कूछ नहीं..इस लिये मेरे आई को जिताके क्षीरसागर को हमे गिराना है. इस क्षीरसागर का ४० साल का दबदबा अब हम इधर से खतम करेंगे..असं म्हणत आई ज्योती मेटे यांच्यासाठी प्रचाराच्या मैदानात उतरलेल्या आशुतोष विनायकराव मेटे यांनी पहिल्याच भाषणात क्षीरसागर कुटुंबावर टीकास्त्र डागले आहे. 

विधानसभा निवडणुकीच्या प्रचारात बीड (Beed News) शहरातील जाहीर सभेत आशुतोष मेटे बोलत होते. यावेळी आशुतोष मेटे म्हणाले, की वडिलांनी जे काम केले, ते धर्म, जाती ला सोडूनच केले आहे. त्यानुसारच आईदेखील काम करणार, असे वचन देतो. यानंतर वचन दिले आणि ते पूर्ण केले नाही; असे कोणीही म्हणू शकणार नाही. कारण एकदा फोन केला तर पुन्हा नव्याने फोन करण्याची वेळ येणार नाही; याचेही वचन देत असल्याचे सांगत मेटे यांनी ज्योतीताईंची निशाणी लक्षात ठेवा आणि क्षीरसागरला पडून निवडून द्या; असे आवाहन त्यांनी यावेळी केले. 

बीड नगरपालिकेला ३२० कोटी रुपयांचा बजेट होता. पण काही विकास दिसत आहे का? नगरपालिका हि क्षीरसागर यांच्या ताब्यात होती. पण विकास काहीच झाला नाही. रस्ते, नाला नाही. तर कुठे घर, लाईट, पाणी देखील नाही. यामुळे क्षीरसागर घराण्याचा  ४० वर्षाचा दबदबा होता, तो आता मिरवायचा आहे. असं म्हणत आई ज्योती मेटे यांच्यासाठी मैदानात उतरलेल्या आशुतोष विनायकराव मेटे यांनी पहिल्याच सभेत क्षीरसागर कुटुंबावर टीकास्त्र डागले.