बीड : यंदाच्या पावसाळ्यात बीड जिल्ह्यात अपेक्षित पाऊस पडला नाही. यात अंबाजोगाई तालुक्यात (Beed) पाऊस नसल्याने पिकांचे मोठ्या प्रमाणात नुकसान झाले आहे. यामुळे अंबाजोगाई (Ambajogai) तालुका दुष्काळग्रस्त जाहीर करण्यात यावा. या मागणीसाठी शेतकऱ्यांनी दुष्काळी आक्रोश मोर्चा काढला. (Breaking Marathi News)

अंबाजोगाई तालुक्यात पिण्याच्या पाण्याचा प्रश्न, जनावरांच्या चाऱ्याचा व पाण्याचा प्रश्न, खरीप पिकाचा प्रश्न पिकविम्याचा प्रश्न निर्माण झाल्याने शेतकरी आर्थिक संकटात सापडला आहे. अंबाजोगाई तालुका (Rain) दुष्काळ जाहीर करा व शेतकऱ्यांना दुष्काळी अनुदानापोटी प्रति हेक्टरी १ लाख रुपये खात्यावर तात्काळ द्यावेत. अशी मागणी यावेळी करण्यात आली.

पावसाने दडी मारल्याने बीडच्या अंबाजोगाई तालुक्यात खरीप पिके करपून गेले आहेत व पिण्याच्या पाण्याची देखील समस्या निर्माण झाली आहे. त्यामुळे अंबाजोगाई तालुक्यात दुष्काळ जाहीर करा. या मागणीसाठी अंबाजोगाई उपजिल्हाधिकारी कार्यालयावर आक्रोश मोर्चा काढण्यात आला. शेतकरी बचाव कृती समितीच्या वतीने काढण्यात आलेल्या या मोर्चामध्ये शेकडो शेतकरी सहभागी झाले होते.