बीड : घरकुल योजनेंतर्गत लाभार्थ्यांना घरकुलाचे रक्कम हप्त्याने दिली जात असते. यात घरकुल योजनेचा (Beed) चौथा हप्त्याची रक्कम लाभार्थ्यांना अद्याप मिळालेली नाही. यामुळे (MNS) मनसेच्या वतीने आंदोलन केले. तर या हप्त्यासाठी १० हजार रुपयांची मागणी केली जात असल्याचा आरोप लाभार्थ्यांनी केला आहे. (Tajya Batmya)

बीडमध्ये घरकुलच्या थकीत हप्त्यावरून मनसे सैनिक आक्रमक झाले आहेत. बीड नगरपालिकेच्या दारातचं मनसैनिकांनी ठिय्या आंदोलन केले आहे. बीड नगरपालिकेच्या माध्यमातून दिल्या गेलेल्या (Gharkul Yojana) पंतप्रधान रमाई आवास घरकुल योजनेचा चौथा हप्ता गेल्या वर्षभरापासून थकीत आहे. त्यामुळं थकीत हप्ता तात्काळ मिळावा. यासाठी मनसैनिकांनी ठिय्या आंदोलन केले.

५ हजारासाठी हप्ता थकविला 
दरम्यान नगर पालिकेतील कर्मचारी हप्त्यासाठी पैसे मागत आहेत. १० हजारांची मागणी केली होती. त्यांना ५ हजार रुपये दिले. मात्र बाकीचे ५ हजार न दिल्याने मला हप्ता देत नाहीत; असा गंभीर आरोप लाभार्थी महिला अंजना शिंदे यांनी केलाय.