बीड - केज शहरातील शिक्षक कॉलनीत असणाऱ्या एका घरात,मागच्या दोन दिवसांपूर्वी बीड तालुक्यातील सफेपुर येथील, ऊसतोड मजुराचा मृतदेह आढळून आल्यानं खळबळ उडाली होती.अखेर याप्रकरणी मयत ऊसतोड कामगाराच्या पत्नीच्या फिर्यादीवरून, दोन दिवसांनंतर शिक्षक असणाऱ्या मुकदमासह त्याच्या भावावर खुनाचा गुन्हा दाखल झाला आहे.

हे देखील पहा -

बाळासाहेब सोपान घोडके वय ४० असं त्या मयत ऊसतोड कामगारांचं नाव आहे. बाळासाहेब घोडके यांना मुकादम जिवराज केशव हांगे याने, २८ तारखेला सफेपुर गावातुन गाडीत बसवून, केजमध्ये डांबुन ठेवल्याचा आरोप नातेवाईकांनी केला होता. यादरम्यान त्यांना मारहाण झाल्यानं त्यांचा मृत्यू झालाय. असाही मयताच्या पत्नीने आरोप केला होता.

अखेर याप्रकरणी मयताची पत्नी मीरा घोडके हिच्या फिर्यादीवरून, केज पोलीस ठाण्यात जिवराज केशव हंगे व शिक्षक असणाऱ्या बाबुराव केशव हंगे यांच्या विरुद्ध कलम 302, 365, 342 व 34 नुसार गुन्हा दाखल करण्यात आला आहे. दरम्यान या घटनेने बीड जिल्ह्यात खळबळ उडाली आहे.

Edited By - Shivani Tichkule