बीड : बीडच्या माजलगाव तालुक्यातील पुरुषोत्तमपुरी येथे दर्शनासाठी चाललेल्या भाविकांच्या रिक्षा पलटी झाल्याने मोठा अपघात (Accident) झाला. यात ६ महिला भाविक गंभीर जखमी झाल्या आहेत. त्यांना तातडीने रुग्णालयात (Beed) दाखल करण्यात आले आहे. (Latest Marathi News)

अधिक मास सुरु झाल्याने अनेकजण देव दर्शनासाठी जात असतात. यंदा अधिक मास आला असून १८ जुलैला अधिक महिन्याला सुरवात झाली आहे. यामुळे आता भाविक देव दर्शणासाठी बाहेर पडत आहेत. असेच भगवान पुरुषोत्तमाच्या दर्शनासाठी काही भाविक रिक्षाने जात होते. त्यांच्या रिक्षाला अपघात झाला आहे. यात ६ महिला भाविक गंभीर जखमी झाल्या आहेत. 

अरुंद रस्त्यामुळे अपघात 

भाविकांच्या रिक्षाला अरुंद रस्त्यामुळे अपघात झाला आहे. यापूर्वी देखील ट्राफिक जाम व रस्त्याच्या खाली गाडी घसरणे यासह अनेक अपघात घडले आहेत. तसेच अरुंद रस्त्यामुळे अपघाताचे प्रमाण देखील वाढले आहे. दरम्यान प्रशासनाने तात्काळ रस्ता रुंद करावा, अशी मागणी होत आहे.