औरंगाबाद : औरंगाबाद- पैठण रोडवरील ढोरकीनजवळ एकामागून-एक दुचाकी अपघात झाले. एक, दोन, तीन नव्‍हे तर 20 मिनिटांत 25 अपघात (Accident) घडल्याचे पाहायला मिळाले. हा प्रकार आज सकाळी झाला. (Aurangabad Accident News)

औरंगाबाद- पैठण रोडवरील ढोरकीनजवळ समांतर जलवाहिनीचे काम सुरु आहे. यामुळे रस्त्यावर माती आणि चिखल झाला आहे. यात रात्री झालेल्या पावसामुळे (Rain) रस्त्यावर चिखलच चिखल झालेला आहे. त्यामुळे आज सकाळी एकामागून- एक द्दुचाकी स्लीप होऊन अपघात झाले. ढोरकीन गावातील कुलस्वामिनी पेट्रोल पंपाजवळ असलेल्या अक्षय हॉटेलजवळ हा प्रकार घडला.

नागरीकांनी केला रास्‍ता रोको

रस्‍त्‍यावरील चिखलामुळे होत असलेल्‍या अपघातामुळे नागरिकांमध्ये संताप पाहायला मिळाला. काही नागरिकांनी रस्त्यावर गाड्या आडव्या लावून, संताप व्यक्त करत रस्ता रोको करण्याचा प्रयत्न केला. नागरिकांचा संताप पाहत कंत्राटदाराने रस्त्यावरील चिखल जेसीबीच्या साह्याने दुर केले. त्यानंतर अखेर वाहतूक सुरळीत करण्यात आली आहे.