-- अविनाश कानडजे

औरंगाबाद : औरंगाबादच्या वाळूज एमआयडीसी परिसरात एका कंपनीच्या बाहेर आज दुपारच्या सुमारास गॅस सिलेंडरचा भीषण स्फोट झाला आहे. अचानक झालेल्या स्फोटमुळे परिसरातील नागरिकांमध्ये भीतीचे वातावरण असून, जखमींना उपचारासाठी रुग्णालयात दाखल करण्यात आले आहे.

हे देखील पहा :

प्राथमिक माहितीनुसार, वाळूज एमआयडीसीच्या गट नंबर एम-१२१ मधील प्रभाकर इंजिनीअरिंग कंपनी समोर दुचाकीला वेल्डींग करताना सिलेंडरचा भीषण असा स्फोट झाला आहे. यामध्ये वेल्डर आणि आणखी दोघे गंभीर जखमी झाल्याची माहिती घटनास्थळी उपस्थित नागरिकांनी दिली आहे. तर आजूबाजूचे सहा ते सात लोक किरकोळ जखमी झाले आहेत.

वाळूज भागात अनेक ठिकाणी दुचाकीला वेल्डींग करणारे वेल्डर आपली छोटीशी दुकान लावून बसतात. त्याचप्रमाणे प्रभाकर इंजिनीअरिंग कंपनीसमोर सुद्धा घटनेत जखमी झालेला वेल्डर नेहमी आपली दुकान लावून बसतो. दरम्यान, एका गाडीला वेल्डींग करत असताना हा स्फोट झाला. स्फोटाची तीव्रता एवढी होती की, वेल्डरच्या शरीराचे अवयव अर्धा किलोमिटर दुरपर्यंत उडाले. पोलीस या घटनेचा तपास करत आहेत.

Edited By : Krushnarav Sathe