सोलापूर : सोलापूर कृषी उत्पन्न बाजार समितीमध्ये (solapur market) पुन्हा एकदा कांद्याची (onion) मोठी आवक झालेली आहे. आज (गुरुवार) देखील सोलापूरच्या (solapur) बाजारात आठशे ट्रक कांदा दाखल झालेला आहे. दोन दिवसांपूर्वी नऊशे ट्रक कांदा बाजारात आला होता.

इतक्या माेठ्या प्रमाणावर कांद्याचे (onion) आवक झाल्याने दोन दिवस कांद्याचे लिलाव बंद ठेवण्यात आले होते. आज पुन्हा मोठी आवाक झाल्याने सकाळी दहा वाजता कांदा व्यापाऱ्यांची (traders) बैठक सुरु झाली आहे. या बैठकीत उद्या बाजार सुरू ठेवायचं की नाही यावर निर्णय हाेण्याची शक्यता वर्तवली जात आहे.

दरम्यान साेलापूर (solapur) बाजार समितीच्या इतिहासात वारंवार इतकी मोठी आवक होत असल्याने कांद्याचे दर स्थिर राहतात की कोसळतात याकडे सर्वांचे लक्ष लागून राहिले आहे. दर पडल्यास ग्राहकांचा फायदा हाेईल अशी देखील चर्चा आहे.

edited by : siddharth latkar