अभिजीत सोनवणे, साम टीव्ही नाशिक

नाशिकमधून एक मोठी बातमी समोर आलीय. नाशिकच्या पाथर्डी फाटा परिसरात एटीएसने मोठी कारवाई केलीय. तीन संशयतांना एटीएस पथकाने ताब्यात घेतलंय. ताब्यात घेतलेले तीन संशयित बांगलादेशी असल्याची माहिती सूत्रांनी (Nashik News) दिलीय. नाशिकच्या पाथर्डी फाटा परिसरात एटीएसकडून सर्च ऑपरेशन राबविण्यात आलं होतं.

काय आहे प्रकरण?

बेकायदेशीरपणे भारतात घुसखोरी करत प्रवेश करत अवैधमार्गाने भाडेतत्वावर पाथर्डी गावात राहत असल्याचा आरोप केला गेलाय. यामध्ये बांगलादेशी इसम शागोर मोहंमद अब्दुल हसुने माणिक (२८), मुस्समत शापला खातून (२६), इति खानम मोहंमद शेख (२७, सर्व रा. काजी मंजील, पाथर्डी गाव) यांच्यासह त्यांना वास्तव्यासाठी सर्वोतोपरी मदत देणारा संशयित गोरक्षनाथ विष्णू जाधव (३२) यांना अटक केली (ATS Detained three people) आहे.

शहरात अवैध वास्तव्य

यांच्याविरूद्ध दहशतवादविरोधी (Bangladeshi) पथक नाशिक युनिटच्या सहाय्यक पोलीस निरिक्षक योगिता पांडुरंग जाधव (३७) यांनी दिलेल्या फिर्यादीवरून इंदिरानगर पोलीस ठाण्यात गुन्हा दाखल करण्यात आला आहे. पुढील तपास इंदिरानगर पोलीस करत आहेत. शहरात अवैध वास्तव्य करणार्‍या तीन बांगलादेशींना पोलिसांनी ताब्यात घेतलंय. त्यांची कसून चौकशी केली जातेय.

बांगलादेशी नागरिकांना अटक

पिंपरी चिंचवडमध्ये देखील चार बांगलादेशी नागरिकांना अटक केल्याचं २ ऑगस्ट रोजी समोर आलं होतं. देशात वास्तव्यासाठी लागणारी वैध परवानगी न घेता चार बांगलादेशी नागरिक पिंपरी चिंचवड शहरामध्ये राहत (Bangladeshis in Nashik) होते. याबाबत सांगवी पोलिसांना माहिती मिळाली होती. त्यानंतर पोलिसांनी कारवाई करत चारही जणांना ताब्यात घेतलंय. त्यांच्या विरोधात गुन्हा दाखल करण्यात आला होता. त्यानंतर आता नाशिकमध्ये एटीएसने मोठी कारवाई केल्याचं समोर आलंय.