अहमदनगर - लष्करात (Army) भरती करतो असे सांगून अनेक लोकांची फसवणूक करणारा तोतया लष्करी अधिकारी नवनाथ गुलदगड, राहणार राहुरी यास स्थानिक पोलीस (Police) पथकाने पकडले आहे. लष्कराच्या इंटेलिजन्स ब्युरोच्या दक्षिण कमांड आणि स्थानिक गुन्हे अन्वेषण शाखा यांच्या सैयुक्त पथकाने ही कारवाई केली आहे. नवनाथ गुलदगड हा काळया रंगाच्या स्कॉर्पिओ गाडीवर कमांडो असे लिहून राहुरी, संगमनेर (Sangamner) परिसरात फिरत होता. तेथील तरुणांना लष्करात भरती करून देतो असे आमिष दाखवायचा.

हे देखील पहा -

काही तरुण त्याच्या गणवेशाचा, त्याच्या खोट्या बोलण्याला भुलायचे . ही माहिती लष्कराच्या इंटेलिजन्स ब्युरोला मिळाली. लष्कराने ही माहिती जिल्हा पोलीस अधीक्षक मनोज पाटील यांना दिली. या माहितीच्या आधारे सैयुकत करावी करत संगमनेर तालुक्यातील मांडवा गावात कारवाई करत त्याला ताब्यात घेतले. त्याने आपण लष्करात बंगळूरला असल्याचे सांगून ओळख पत्र दाखवली. परंतु त्या ठिकाणी लष्कराची इंटेलिजन्सची टीम देखील असल्याने त्यांनी तातडीने खात्री केली असता असा कुठला ही व्यक्ती लष्करात अधिकारी नसल्याचे उघड झाले.

तसच राहुरी येथे फसवणूक झालेल्या एका तरुणाच्या फिर्यादीवरून राहुरी पोलीस ठाण्यात नवनाथ गुलदगड विरुद्ध फसवणुकीचा गुन्हा देखील दखल झाला आहे. त्याच बरोबर राहुरी, संगमनेर या परिसरातील ज्यांची कोणाची नोकरीच्या आमिषाने फसवणूक झाली असेल अशा तरुणांनी राहुरी पोलीस ठाण्यात संपर्क साधण्याचे आवाहन देखील स्थानिक गुन्हे शाखेचे पोलिस निरीक्षक अनिल कटके यांनी केले आहे.

Edited By - Shivani Tichkule