Aurangabad Latest News: औरंगाबाद शहराला पाणीपुरवठा करणारी जलवाहिनी पुन्हा फुटली आहे. त्यामुळे जुन्या शहराला दोन दिवस निर्जळीचा सामना करावा लागणार आहे. औरंगाबाद (Aurangabad) जुन्या शहराची तहान भागविणारी ७०० मिलीमीटर व्यासाची जलवाहिनी (Pipeline) शुक्रवारी दुपारी तीनच्या सुमारास फुटली. नवीन पाणीपुरवठा योजनेचे काम करणाऱ्या जीव्हीपीव्हीआर कंपनीच्या कामामुळे जलवाहिनी फुटल्याचे समोर आले आहे. (Aurangabad Pipeline Broke)

मनपाच्या पाणीपुरवठा विभागाने युद्धपातळीवर दुरुस्तीचे काम सुरू केले. त्यासाठी किमान ३० तास लागणार असून, नागरिकांना किमान दोन दिवस उशिराने पाणीपुरवठा होईल. जुन्या शहरासाठी ७०० मिमी व्यासाची जलवाहिनी, तर नवीन सिडको शहरासाठी १४०० मिमी व्यासाची जलवाहिनी आहे. दोन्ही पाणीपुरवठा योजना जीर्ण झाल्या असून, किंचित धक्का लागला तरी जलवाहिनी फुटते. त्यामुळे शहराचा पाणीपुरवठा विस्कळीत होतो.

पाहा व्हिडिओ -

मागील दीड महिन्यात तब्बल पाच वेळा जलवाहिन्या फुटण्याच्या घटना घडल्या आहेत. आता पैठण रोडवरील कवडगाव येथे ७०० मिमी व्यासाची जलवाहिनी अचानक फुटली. त्यामुळे लाखो लिटर पाणी रस्त्यावर व शेतात वाहू लागले आणि वाया गेले.

Edited By - Akshay Baisane