- कैलास चाैधरी

सुषमा अंधारे (sushma andhare) यांची प्रबोधन यात्रा म्हणजे दुसऱ्याच्या लग्नात जिलेबी वाटण्याचा कार्यक्रम असल्याची टीका उस्मानाबाद जिल्ह्यातील शिंदे गटाचे नेते अनिल खोचरे यांनी केली. सुषमा अंधारे यांना शिवसैनिकावर (shivsainik) टीका करण्याचा कोणताही अधिकार नाही असा समाचार खोचरे यांनी घेतला आहे.

गेली दोन दिवस सुषमा अंधारे यांची प्रबोधन यात्रा उस्मानाबाद जिल्ह्यात होती. यावेळी आंधरे यांनी शिंदे गटाचे आमदार ज्ञानराज चौगुले व आरोग्य मंत्री डॉ. तानाजी सावंत यांच्यावर टीका केली होती. आज शिंदे गटाच्या वतीने अनिल खोचरे यांनी सुषमा अंधारे यांच्यावर कडाडून टीका केली आहे. (Maharashtra News)

सुषमा अंधारे यांनी उद्धव ठाकरे व आदित्य ठाकरे यांच्यावर खालच्या भाषेत टीका केली. हिंदू देव देवता बद्दल अपमानकारक वक्तव्य केली. गेल्या वर्षभरात त्यांचं नेमकं काय प्रबोधन झालं ? त्यांनी शिवसेनेसाठी काय योगदान दिलं ? असा प्रश्न करत त्यांची प्रबोधन यात्रा म्हणजे दुसऱ्याच्या लग्नात जिलेबी वाटण्याचा कार्यक्रम असल्याची टिप्पणी अनिल खोचरे यांनी केली आहे.

उद्धव ठाकरे (uddhav thackeray) गटाचे उस्मानाबाद जिल्हा संपर्कप्रमुख अनिल खोचरे यांनी काही दिवसांपूर्वीच मुख्यमंत्री व आरोग्य मंत्री यांच्या उपस्थितीत शिंदे गटात प्रवेश केला. अनिल खोचरे यांचे पक्षांतर हे ठाकरे गटाला मोठा धक्का मानला जातो. खोचरे यांनी शालेय जीवनात वर्गणी गोळा करून बाळासाहेब ठाकरेंची भेट घेत शिवसेनेचे (shivsena) काम सुरू केले होते.

Edited By : Siddharth Latkar