Buldhana News :

बुलढाण्यात एकाने जिल्हाधिकारी असल्याचे सांगत रेती वाहतुकदारांकडून लाखो रुपयांची रक्कम उकळल्याचा प्रकार उघडकीस आला आले. या प्रकरणी तोतया जिल्हाधिकारी याच्या विराेधात तहसीलदार यांच्या तक्रारीनंतर अंढेरा पोलिस ठाण्यात (andera police station) गुन्हा दाखल करण्यात आला आहे. (Maharashtra News)

बुलढाणा जिल्ह्यातील सिंदखेड राजा तालुक्यातील समृद्धी महामार्गाच्या (samruddhi mahamarh) लगत असोला जहांगीर परिसरात रात्रीच्या वेळी एका व्यक्तीने बुलढाणा जिल्हाधिकारी असल्याची बतावणी करून या परिसरातून होणाऱ्या अवैध रेती वाहतूकदारांकडून लाखोंची वसुली केली आहे. काही वेळानंतर रेतीमाफी यांना हा तोतया असल्याची माहिती मिळली.

त्यांनी आलिशान गाडीतून आलेल्या या तोतया जिल्हाधिकाऱ्याचा पाठलाग केला मात्र ताे तोतया जिल्हाधिकारी गाडी सोडून फरार झाला हाेता. अखेरीस रेती माफीयांनी या तोतया जिल्हाधिकारीच्या आलिशान गाडीची तोडफोड केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या प्रकरणी देऊळगाव राजा तहसीलदारांनी अंढेरा पोलिसात तक्रार दिली. या तक्रारीवरून अज्ञाता विराेधात गुन्हा दाखल करण्यात आला आहे. पोलिस तोतया जिल्हाधिकारी याचा शाेध घेताहेत.

Edited By : Siddharth Latkar