सांगली : ज्याला तोंडाची भाषा कळते त्याला ती भाषा आणि ज्याला हाताची भाषा कळते तिथं हाताची भाषा दाखवावीच लागते. कर्मचाऱ्यांना न्याय बाजारात मिळत नाह तर तो मनगटाच्या जोरावर मिळवावा लागतो. त्यामुळे लढा उभा करताना, साम, दाम, दंड आणि भेद या नीतीचा वापर करावाच लागेल असे परखड मत माजी खासदार आनंदराव अडसूळ (anandrao adsul) यांनी व्यक्त केले. सांगली (sangli) येथे आयोजिलेल्या सहकारी बँक (bank) कर्मचाऱ्यांच्या मेळाव्याचे उदघाटन अडसूळ यांच्या हस्ते झाले. त्यावेळी ते बाेलत हाेते. (Anandrao Adsul latest marathi news)

माजी खासदार आनंदराव अडसूळ म्हणाले राजकारणात (politics) विरोधाला विरोध नको. तत्वाने विरोध केला जावा. राजकारण शुद्ध हवे. चांगल्याला चांगलं आणि वाईटाला वाईट म्हटलेच पाहिजे.

कुठं गेला सांगली आणि सातारा (satara) जिल्हा. सांगली जिल्हा तर मनगटशाहीचा आणि ताकतवान जिल्हा आहे. मात्र तरी ही इथले कर्मचारी शांत कसे. कर्मचारी चळवळ कोणत्याही स्थितीत थंड आणि शांत ठेवू देऊ नका असे आवाहन अडसूळ यांनी केले. नोकरी देण्याचा अधिकार आहे. मात्र विना कारण कर्मचाऱ्याला कामावरून काढून टाकण्याचा अधिकार कोणाला नाही असे अडसूळ यांनी नमूद करीत स्वाभिमानी विसरलेला आणि दाबावाखाली असलेल्या बँक कर्मचाऱ्यांना पहिला त्यांचातील स्वाभिमान जागृत करावा लागताे मग तो त्याच्या हक्कासाठी नक्की लढतो असे स्पष्ट केले.

Edited By : Siddharth Latkar