अमर घटारे 

अमरावती : लोकसभा निवडणुकीची रणधुमाळी सुरु झाले आहे. यात निवडणुकीच्या रिंगणात असलेल्या उमेदवारांना आपला दैनंदिन खर्च सादर करावा लागत असताना (Amravati) अमरावती मतदार संघाच्या रिंगणात असलेल्या ६ उमेदवारांनी खर्च सादर केला नाही. यामुळे त्यांना जिल्हाधिकारी यांनी नोटीस बजावली आहे. (Maharashtra News)

लोकसभा निवडणुकीच्या (Lok Sabha Election) रिंगणात उभ्या असलेल्या उमेदवारांना निवडणूक आयोगाने ठरवून दिल्यानुसार दैनंदिन खर्च सादर करावा लागत असते. त्यानुसार अमरावती लोकसभा मतदार संघात ३७ उमेदवार निवडणुकीच्या (Election) रिंगणात असून त्यांना देखील आपला दैनंदिन खर्चाचा अहवाल निवडणूक विभागाकडे सादर करावा लागतो. मात्र खर्चाच्या पहिल्या तपासणीच्या वेळी ३७ पैकी सहा उमेदवार अनुपस्थित होते. यामुळे त्या सहा उमेदवारांना नोटीस बजावण्यात आली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या अनुपस्थित असणाऱ्या उमेदवारांना ४८ तासाच्या आत निवडणूक खर्चाचे लेखे निवडणूक सन नियंत्रण व खर्च कक्षात सादर करण्याच्या सूचना जिल्हाधिकारी तथा जिल्हा निवडणूक अधिकारी सौरभ कटियार यांनी दिली आहे. विहित मुदतीत खर्च साधारण न केल्यास तक्रार दाखल करून सर्व परवानग्या रद्द करण्यात येणार असल्यास सुद्धा त्यांना नोटीसमध्ये सांगण्यात आले आहे.