अमर घटारे

Amravati Crime News: अमरावतीमध्ये गेल्या काही दिवसापासून गुन्हेगारीच्या घटनांमध्ये मोठी वाढ झाल्याचे पाहायला मिळत आहे. अनैतिक संबंध, कौटुंबिक कलह, महिलांवरील अत्याचार, आर्थिक फसवणूक यातून हत्या आणि आत्महत्येच्या घटना सातत्याने समोर येत आहेत. (Latest Marathi News)

त्यातच आता अमरावतीमधून (Amravati) एक धक्कादायक बातमी समोर आली आहे. आई होण्याचं स्वप्न दाखवत ढोंगी बाबाने महिलेवर अत्याचार केल्याची संतापजनक घटना घडली आहे. या घटनेने मोठी खळबळ उडाली आहे.

या प्रकरणी अकरा जिल्ह्यतील दर्यापूर येथील ढोंगी बाबा विरोधात बलात्काराचा गुन्हा दाखल करण्यात आला आहे. आई होण्याचं स्वप्न दाखवत एका महिलेवर ढोंगी बाबाने नदीकाठी अत्याचार केल्याची घटना घडली आहे. या प्रकरणी फरार ढोंगी बाबा याला 24 तासात ठाणेदार संतोष ताले यांनी अटक केली आहे. (Amravati News)

ही घटना दर्यापूर तालुक्यातील कुकसा इथे घडली आहे. घटनास्थळी उपविभागीय अधिकारी व पोलीस प्रशासन दाखल झाले. या बाबाकडे दर पौर्णिमेला बाबाच्या घरी मोठ्या संख्येने मूल बाळ व्हावे यासाठी भक्तांची गर्दी होत असल्याची माहिती. बलात्कारासह जादूटोणा सह विविध कलमानुसार बाबा विरोधात गुन्हा दाखल करण्यात आला आहे.