अमर घटारे

अमरावती - शहरातुन एक धक्कादायक बातमी समोर आली आहे. अमरावतीच्या नंदगाव खंडेश्वरमध्ये १४ वर्षीय चिमुकलीने गळफास लावून आपली जीवनयात्रा संपविली आहे. ती नवव्या वर्गात शिकत होती. (Amravati Crime News in Marathi)

हे देखील पाहा -

मला कुणी समजून घेत नाही असं लिहून तिने गळफास घेऊन आत्महत्या केली आहे. ही घटना बुधवारी दुपारी घडली असल्याची माहिती समोर आली आहे. घरात कुणीही नसताना तिने राहत्या घरात गळफास लावला. आई वडील घरी परतल्यानंतर हा प्रकार उघडकीस आला आहे.

त्यानंतर तरुणीला तात्काळ ग्रामीण रुग्णालयात उपचारासाठी दाखल करण्यात आले. मात्र, डॉक्टरांनी तिला मृत घोषित केले. याप्रकरणी नांदगाव पोलिसांनी आकस्मिक मृत्यूची नोंद केली असून मृतदेह शवविच्छेदनासाठी यवतमाळ येथील स्व. वसंतराव नाईक शासकीय रुग्णालयात पाठवण्यात आला आहे. या संदर्भात पोलिसांकडून पुढील तपास सुरू आहे.

Edited By - Shivani Tichkule