मेळघाटातील धारणी तालुक्यातील लवादा गावात एक ५ जुलै २०२६ रोजी एक तरुणाचा मृत्यू झाला होता. त्यानंतर २३ दिवसांनी दफन केलेला तरुणाचा मृतदेह थडग्यातून बाहेर काढण्यात आलाय. या धक्कादायक प्रकरणाने खळबळ उडालीय. थडग्यातून मृतदेह पुन्हा का काढण्यात आला.? यामागील कारण काय?

हाती आलेल्या ५ जुलै २०२६ रोजी एका तरुणाचा मृत्यू झाला होता. तरुणाला गावात चक्कर येऊन तो खाली पडला होता. त्यानंतर त्याला तातडीने धारणी उपजिल्हा रुग्णालयात आणण्यात आले.मात्र रुग्णालयात पोहोचताच डॉक्टरांनी तपासणी करून त्याला मृत घोषित केले.त्यावेळी डॉक्टरांनी शवविच्छेदनकरण्याचा सल्ला दिला होता. मात्र,मृताच्या नातेवाईकांनी पोस्टमार्टम करण्यास नकार देत मृतदेह ताब्यात घेऊन गावात दफनविधी केला. आता याप्रकरणाला मोठा ट्वि्स्ट आलाय. तब्बल २३ दिवसांनी तरुणाचा मृतदेह थडग्यातून बाहेर काढण्यात आला.

मोबाईलवरील चॅटिंगनं संशय वाढला?

मृत्यू झालेल्या तरुणाचा मोबाईल कुटुंबियांच्या हाती लागला. त्यात त्यांनी काही चॅटिंग दिसली. त्यावरून संबंधित तरुणाचा मृत्यू नैसर्गिक नसून त्यांची हत्या झाल्याचा संशय कुटुंबियांच्या मनात आला. कुटुंबियांनी गावातील काही व्यक्तींवरही संशय घेतला. त्यानुसार त्यांनी २५ जुलै २०२६ रोजी धारणी पोलीस ठाण्यात तक्रार दाखल केली.

तक्रारीनंतर पोलिसांनी प्रकरणाची गंभीर दखल घेत तहसीलदार शेवाले यांच्या उपस्थितीत दफन केलेला मृतदेह बाहेर काढून पुढील कायदेशीर प्रक्रिया सुरू केली आहे. शवविच्छेदन आणि इतर वैद्यकीय तपासणीनंतरच मृत्यूचे नेमके कारण स्पष्ट होणार आहे. या संपूर्ण प्रकरणाचा तपास धारणी पोलीस करत आहे.