अमर घटारे

अमरावती : शासकीय हरभरा खरेदीचे टार्गेट पूर्ण झाल्याचे सांगून अचानकपणे दहा दिवसांपासून अमरावती (Amaravati) जिल्ह्यात नाफेडची शासकीय हरभरा खरेदी करणारे ४६ केंद्र बंद करण्यात आली आहे. त्यामुळे शेतकऱ्यांनी (Farmer) नोंदणी करूनही हजारो क्विंटल हरभरा शेतकऱ्यांच्या घरात पडून आहे. (Tajya Batmya)

नाफेडच्या शासकीय खरेदीमध्ये हरभऱ्याला प्रतिक्विंटल ५ हजार ३३५ रुपये एवढा भाव मिळतो. मात्र हरभरा खरेदी बंद पडल्याने शेतकऱ्यांना खाजगी बाजारात हरभरा विकावा लागतो आहे. मात्र खाजगी बाजारात ४ हजार ६०० रुपये भाव मिळत असल्याने प्रतिक्विंटल मागे शेतकऱ्यांना सातशे ते आठशे रुपये नुकसान सहन करावे लागत आहे.

खरेदी सुरू करावी

आधीच अतिवृष्टी, गारपिटीने त्रस्त असलेल्या शेतकऱ्यांना आता शेतमाल विकताना नुकसान सहन करावे लागत आहे. यामुळे शासनाने लवकरात लवकर शासकीय खरेदी सुरू करावी अशी मागणी शेतकरी करत आहे.