अमर घटारे

अमरावती : अमरावती कृषी उत्पन्न बाजार समितीमध्ये काँग्रेसने १८ पैकी १८ जागा मिळवत एक हाती सत्ता मिळविली. आज (Amaravati) अमरावती कृषी उत्पन्न बाजार समितीच्या (Bajar Samiti) सभापती निवडणुकीमध्ये अंगणवाडी सेविका व शेतकऱ्यांचा मुलाला माजी मंत्री यशोमती ठाकूर यांनी सभापती बनवले. हरीश मोरे यांची सभापती पदी निवड झाली आहे. (Latest Marathi News)

उत्पन्नाने विदर्भातील दुसऱ्या क्रमांकाची बाजार समिती असलेल्या अमरावती कृषी उत्पन्न बाजार समितीमध्ये ३५ वर्षीय युवा शेतकरी अंगणवाडी सेविकेच्या मुलाला सभापती पदाचा बहुमान मिळाल्याने जिल्ह्यात एकच चर्चा सुरू झाली आहे. यावेळी एक शेतकरी अंगणवाडी सेविकेचा मुलगा सभापती होत असताना आनंद होत असल्‍याची प्रतिक्रिया माजी मंत्री यशोमती ठाकूर यांनी दिली.

उपसभापती पद ठाकरे गटाला

अमरावती बाजार समितीवर निर्विवाद वर्चस्‍व राखत सभापती पद (Congress) कॉंग्रेसने राखले. यात हरीश मोरे यांची सभापती तर उपसभापती पदी शिवसेनेचे भैय्यासाहेब निर्मळ यांची निवड करण्यात आली. यावेळी महाविकास आघाडीचे सर्व नेते कार्यकर्ते यांनी एकच जल्लोष केला.