हर्षदा सोनोने

अकोला : अकोला जिल्ह्यात मंगळवारी रात्री पडलेल्या पावसाचा सर्वात जास्त फटका मूर्तिजापुर तालुक्याला बसला आहे. रात्रीच्‍या (Rain) पावसामुळे काही गावे पाण्याखाली आली असून गावांचा संपर्क सुद्धा तुटला आहे. शिवाय शेतात (Akola) देखील पाणी साचले आहे. यामुळे शेतकरी पाण्यात अडकले होते. (Live Marathi News)

अकोला जिल्ह्यातल्या मुर्तीजापुर तालुक्यातील खरब ढोरे गावात नाल्याच्या पाण्यामुळे नुकसान झाले आहे. तर मंगळवारी रात्रीपासून अकोला जिल्ह्यात पावसाने जोरदार हजेरी लावली असून मूर्तिजापूर तालुक्यात सर्वाधिक पाऊस झाला आहे. पावसामुळे तालुक्यातील अनेक नदी नाले ओसंडून वाहतांना पहायला मिळत आहे. तर गावातील काही घरांची पडझड झाली. मात्र यात कोणतीही जीवित हानी झालेली नसून मदत कार्यसाठी (Murtijapur) जिल्हा प्रशासन आणि संत गाडगेबाबा बचाव पथक गावात दाखल झाले आहे.

शेतात पाणी साचल्याने अडकले शेतकरी

रात्री झालेल्या जोरदार पावसामुळे या गावाला जोडणाऱ्या पुलावरून पाणी वाहत असल्याने वाहतुक बंद करण्यात आली आहे. तर त्याचबरोबर अनेक शेतात पाणी साचल्याने शेतकरी अडकले होते. तया शेतकऱ्यांना वाचविण्यात यश आले आहे. मूर्तिजापुर तालुक्यातल्या गोरेगाव या गावाचा संपर्क तुटला तर येथील शेकडो हेक्टर जमिनही पाण्याखाली गेली आहे.