हर्षदा सोनोने 

अकोला : राज्यात बंदी असताना चायना मांजा पतंग उडविण्यासाठी वापरला जात आहे. या मांजामुळे अनेक (Chinese Manja) दुर्घटना घडत असून देखील यावर पूर्णतः बंदी आलेली नाही. अशीच घटना अकोल्यात (Akola) घडली असून या चायना मांजामुळे दोन जण जखमी झाल्याची घटना आज घडली आहे. (Live Marathi News)

अकोला शहरामध्ये मोठ्या प्रमाणात चायना मांज्याची अजूनही विक्री होत. अनेक ठिकाणी पोलिसांनी चायना मांज्यावर रेड टाकून चायना मांज्या जप्त केला आहे. तरी पण चायना मांज्या दिसून येत आहे. या चायना मांज्याने जखमी होण्याच्या घटना घडत आहेत. अशीच घटना आज सकाळी घडली आहे. शहरातल्या खदान येथून अकोट फाईल येथे कुटार आणण्यासाठी गेलेल्या दोन जण परत येतांना उडान पुलावर चढत असताना गळ्याला चायना मांजा अडकल्याने दोघेजण जखमी झाले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गळ्याला पडले सहा टाके 

अकोला शहरातील खदान येथील रहिवासी मोहम्मद आसिफ यांचा गळा कापला गेल्याने त्यांना तात्काळ रुग्णालयात दाखल करण्यात आले. त्यांच्या गळ्याला सहा टाके पडले आहेत. याच घटनेत मोहम्मद आसिफ यांच्या आजीचा देखील हात कापला गेल्याने हे दोघंही जण जखमी झाले असून त्यांच्यावर जिल्हा सामान्य रुग्णालयामध्ये उपचार सुरू आहेत.