अकोला : आई– वडील रेल्‍वे ट्रॅकवर उतरले अन्‌ अचानक ट्रेन धावू लागली. रेल्‍वेत राहिलेला चार वर्षीय मुलगा प्‍लॅटफॅार्मवर उतरण्याचा प्रयत्‍न करू लागला. याचवेळी (Railway) रेल्वे स्थानकावर असलेल्‍या लोहमार्ग पोलिसाच्या (Railway Police) प्रसंगावधानामुळे त्‍या लहान मुलाचा जीव वाचल्याची घटना अकोला येथे घडली आहे. (Breaking Marathi News)

शालीमार एक्सप्रेस (Akola) अकोला रेल्वे स्टेशनवरील फ्लॅट क्रमांक १ वर येवून थांबली होती. या ट्रेनमधून प्रवास करणारा एक अपंग व्यक्ती गर्दी असल्याने आपली पत्नी व 4 वर्षाच्या लहान मुलासह प्लॅटफॉर्मवर न उतरता विरूध्द बाजूने खाली रेल्वे ट्रॅकवर उतरला होता. दरम्यान रेल्वेगाडी पुढील स्थानकाकडे निघण्यासाठी तयार असताना त्यांचा लहान ४ वर्षांचा मुलगा अचानक ट्रेनच्या खालून प्लॅटफॉर्म बाजूकडे येवू लागला.

मुलाला ओढल्‍याचा प्रसंग सीसीटीव्‍हीमध्‍ये कैद

प्लॅटफॉर्मवर बंदोबस्ताकरीता हजर असलेले पोलीस उपनिरीक्षक दिलीप जाधव व पोलीस शिपाई गोपाळ सोळंगने यांनी प्रसंगावधान दाखवून सदर लहान मुलाला प्लॅटफॉर्मवर ओढून घेवून त्याचा जिव वाचवला. त्यानंतर अवघ्या १० सेकंदात ट्रेन पुढील स्थानकासाठी रवाना झाली.